Judy Craymer, producente e “Mamma Mia” ka zbuluar lajme rreth një filmi të tretë dhe madje edhe një seriali televiziv të mundshëm.
Edhe pse Craymer zakonisht hesht për filmin e tretë, në një drekë në Londër ajo konfirmoi se sensacioni global i muzikës pop, Sabrina Carpenter, po merret në konsideratë për një nga rolet.
Ajo përmendi gjithashtu mundësinë e një versioni televiziv të vendosur “diku pranë brigjeve të Greqisë”, por është ende shumë herët për detaje.
Nuk e konfirmoi në mënyrë të qartë rolin e Carpenter, por tha se mund të luante një ‘perëndeshë’ ose një të afërm të personazhit të luajtur nga Meryl Streep.
Carpenter shpesh performon këngë të ABBA-s në koncerte, kështu që përfshirja e saj në film nuk do të trondiste askënd.
Meryl Streep rikthehet si Donna?
Filmi i tretë është aktualisht ‘në zhvillim e sipër’ dhe Craymer konfirmon se një skenar tashmë ekziston. Kur u pyet nëse Meryl Streep do të kthehej si Donna, ajo u përgjigj me një përkulje koke sugjestive, duke e lënë derën hapur.
Kasti i dy filmave të parë – ku bënin pjesë Meryl Streep, Pierce Brosnan, Colin Firth, Stellan Skarsgard dhe Lily James – kishin zhvilluar një kimi të fortë dhe ndjenjë komuniteti gjatë viteve, pothuajse si një trupë teatri, gjë që ishte jashtëzakonisht e rëndësishme dhe e vlefshme për Craymer.
“Mamma Mia” u xhirua në Kroaci
Filmi i parë i bazuar në muzikalin me të njëjtin emër, i cili u shfaq premierë në vitin 2008, ishte një hit global. Filmi fitoi më shumë se 600 milionë dollarë, duke e bërë atë një nga muzikalet më të suksesshme të të gjitha kohërave. U xhirua në ishullin magjik grek të Skopelos, i cili shërbeu si sfond për ishullin imagjinar të Kalokairi.
Filmi pati gjithashtu shumë sukses, duke fituar mbi 395 milionë dollarë. U xhirua pjesërisht në Kroaci, në ishullin Vis.
