Askush nuk e pëlqen të pastrojë me orë të tëra për të hequr yndyrën e ngjitur në furrë apo në skarë.
Por ka një mënyrë shumë të thjeshtë dhe natyrale për t’i pastruar këto pajisje – pa lodhje dhe pa produkte kimike.
Temperaturat e larta gjatë gatimit bëjnë që yndyra dhe vajrat të piqen mbi sipërfaqet e furrës apo skarës, duke i bërë shumë të vështira për t’u hequr më pas. Kur ftohen, ato ngurtësohen dhe ngjiten fort.
Por ekspertët e pastrimit nga kompania eMop thonë se një zgjidhje natyrale, e thjeshtë dhe shumë efektive është soda e bukës e përzier me uthull të bardhë ose lëng limoni.
Pse funksionon soda e bukës?
Soda e bukës është alkaline, që do të thotë se ndihmon në shpërbërjen e substancave acide si yndyrat dhe mbetjet e djegura të ushqimit.
Ajo është gjithashtu shumë përthithëse, gjë që ndihmon për të zbutur yndyrën e ngurtësuar.
Kur përzihet me uthull ose lëng limoni, krijon një reaksion flluskues që ndihmon edhe më shumë në largimin e ndotjeve – pa nevojë për fërkim të fortë.
Si të pastroni furrën – hapat një nga një:
Çfarë ju nevojitet: 300 gram sodë buke, uthull e bardhë ose lëng limoni, një sfungjer, një leckë e pastër, ujë i nxehtë, legena me ujë me sapun për raftet.
Hapat për pastrim:
Shpërndani 300g sodë buke në fund të furrës, në derë dhe në çdo vend tjetër ku ka yndyrë të ngjitur;
Shtoni pak uthull të bardhë ose lëng limoni sipër sodës derisa të krijohet një pastë e trashë;
Me një sfungjer, shpërndajeni pastën në zonat e ndotura të furrës;
Nëse furra është shumë e ndotur, lëreni pastën për disa orë ose edhe gjatë natës;
Më pas, vendosni pak uthull ose lëng limoni në një tas dhe përdorni një leckë të pastër për të hequr pastën;
Zhytni leckën në ujë të nxehtë dhe pastroni zonën. Ndërkohë që pasta shkrihet, yndyra do të hiqet lehtësisht;
Raftet e furrës vendosini në një legen me ujë të nxehtë dhe sapun, për t’u pastruar më lehtë;
Sigurohuni që gjithçka të jetë plotësisht e tharë para se të ndizni përsëri furrën.
